三重縣鈴鹿市交通燈
日本三重縣鈴鹿市一個十字路口嘅交通燈，幾個月前突然倒塌，成支瞓低。因為日本嘅燈柱、交通燈都係防風防震設計，壽命可達50年，而呢支倒塌嘅交通燈只係用咗23年，所以當局決定著手調查，睇下係咪有人偷工減料。
最近調查報告出爐，發現交通燈倒塌並無設計問題，當局估計倒塌事件同狗狗有隻。
調查報告指，燈柱斷裂嘅位置，檢驗出嘅尿素係其他燈柱底部42倍，柱身的尿素亦高出8倍。更換燈柱後，CCTV 亦拍攝到同一位置有狗隻多次喺燈柱下小便。
----- 廣告 Ad -----
所以警方斷定，交通燈倒塌嘅原因就係狗尿。因為狗尿之中嘅鹽分會加速金屬腐蝕，令燈柱底部變得脆弱，最終不勝負荷，整支倒塌。警方話會加強教育工作，鼓勵狗主幫狗狗喺屋企排泄。
2018年澳門一支燈柱，亦因狗隻長期小便，導致燈柱損毁漏電，電死一隻當時屙緊尿嘅狗。
資料: 中國時報
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。