呢條係品牌 RAYPOSE 出品嘅瑜伽褲,Amazon 賣緊13.99至23.99美金 (約港幣$108至$186),最近成為網絡熱門話題。條褲好唔好著,夠唔夠潮見仁見智,不過佢嘅質量一定無得頂,因為經過用家好嚴格嘅人肉測試。

話說有位叫 Cory 嘅用家,今年7月買咗呢條褲,仲著住去行山。Cory 落山既無技術又無體能,只能成個人瞓係大石上面慢慢跣落去,最後安全抵埗。而令佢最感恩嘅,就係佢著住嗰條瑜伽褲竟然無穿無爛。

Cory 將呢個經過,貼咗去 Amazon 嘅用家評論,令呢條瑜伽褲瞬即爆紅。有人話,如果連 Cory 咁嘅身型都無事,咁質量一定係OK。有人更加模仿 Cory 實地測試,話真係無得頂。

資料: ladbible

首頁 > 生活 Life > 網民超貼地人肉測試,實淨瑜伽褲熱爆網絡