美國海岸防衛隊發放圖片

日前美國有人為朋友婚禮助慶,竟然玩到喺海上放信號彈,結果要賠償高昂罰款。

事件發生於美國羅德島,Perry 同 Benjamin 為咗朋友結婚,將借返來嘅信號槍帶出海,然後於布洛克島附近連發三槍,希望島上婚宴賓客睇到,加強氣氛。之但係,賓客睇唔睇到就唔知,島上居民就以為真係有人求救,於是打電話報警。

結果美國海岸防衛隊派出1艘船、2架直升機海上搜救,發現虛驚一場之後,立即檢控 Perry 同 Benjamin。雙方同意之後,每人要畀$5000美元作為和解金,中止檢控。

美國海岸防衛隊搜救艇

資料: Providence Journal

首頁 > 生活 Life > 美國兩男子放信號彈賀朋友結婚,驚動海岸防衛隊