早前香港屯門掃管笏，有村民出動水喉通對付泊車入村嘅市民，不過英國有村民更加徹底，用挖泥機剷走違泊車輛。
英國杜倫 Durham 著名景點 巴納德城堡 (Barnard Castle)，一向都係著名旅遊點。不過，唔少遊客相當唔自律，將汽車隨意停放喺附近農場出入口，嚴重影響當地人日常生活。而最近英國疫情好轉，政府放寬防疫措施，大批旅客再度湧入，令情況更為惡化。
上個周末，農場門口又有幾十部車停泊阻塞道通，當地村民 Robert Hooper 一氣之下，出動私伙挖泥機，將所有違泊車輛一嘢轟走，車主見愛車被剷走，都目瞪口呆。
Robert 同記者解釋，遊客除咗立亂泊車，仲要走入農場生火，破壞農作物，令佢哋損失慘重。
警察到場了解事件，暫時未有人被捕。
資料: Metro
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
分享連結:
