講到馬騮為患,香港人應該唔陌生。香港嘅馬騮,會強搶行山人士手上零食、汽水,甚至破壞停泊路邊汽車。多年來無論官方及民間,都呼籲大家唔好餵飼馬騮,可惜成效甚微,馬騮更有日漸猖狂之勢。另一邊廂,泰國因為宗教原因,馬騮進駐城市,對人類生活有更大滋擾。泰國人於是諗到方法,搵「佢哋」幫手。

泰國華富里府猴子為患

圖: 泰華眼裡的泰國 Taihua Lin

泰國中部華富里府,有寺廟停車場就向旅客租啲玩具鱷魚放上車頭,避免馬騮爬上汽車進行破壞。當地人話,呢個方法表面上自欺欺人,但似乎有一定功效,因為馬騮對汽車破壞大為減少;亦因為咁,有商店亦喺當眼處擺放鱷魚公仔,希望呢班大聖爺減少光顧佢哋舖頭。

事實上,當地政府知道猴子問題嚴重,已開始著力整治有關問題,包括為誘導佢哋服食避孕藥,降低出生率。

同場加映: 香港用麻鷹趕野鴿

圖: 聯合新聞網

差不多驅趕方法,亦有香港人諗到,有人將麻鷹公仔掛喺窗邊或露台,唔畀野鴿飛近屋企,減少鴿屎嘅污染,用家話即時無野鴿埋身喎。

泰國猴子報道: New York Times

首頁 > 生活 Life > 馬騮為患 泰國人用一個方法驅趕