監控人群方法有好多種，CCTV 以外，原來坐墊都得。中國杭州有公司設計咗一款健康坐墊，原本用嚟監測健康，結果變為監察員工，當真有設計頭腦。
本來，當使用者喺健康坐墊上好耐無郁動，配合嘅手機程式就會發出提示，鼓勵用家起身行下，甚至去做運動。不過呢間公司竟然決定，喺推出前先畀員工試用，仲用程式監察員工係咪坐喺位。內地網上流傳，有員工用咗呢啲坐墊後，突然有日被HR召見，問佢朝早點解有半個鐘唔係位，仲話老闆會扣獎金。結果，公司人心惶惶。
事件爆出後，呢間公司矢口否認，話派發坐墊畀員工，只係為咗完善設計，更話相關資料唔會用於員工嘅考勤。之不過，大家又信唔信呢?
資料: 紐約時報中文版
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
