Fitz > 生活 Life > 日本各地受熱浪侵襲，公園貓貓要向做運動市民求救

日本近期受熱浪侵襲，有城市錄得高溫40度，更有中暑死亡個案，連喺公園嘅流浪貓亦受到炎熱天氣影響，相當辛苦。

日本一名網友於 Twitter 分享影片，話佢去公園做運動時，聽到貓貓嘅慘叫聲。經過一輪「溝通」之後，貓貓帶佢去到水龍頭邊，佢先意識到原來貓貓太熱又好口渴，於是就幫佢開水喉，畀水佢飲。

影片引起日本網民熱切回應，唔少人都話喺酷熱天氣下，見到戶外地方有流浪貓流浪狗，應該要更加留意佢哋嘅狀態，並加以幫忙，以免令動物喺惡劣天氣之下受苦。