不要再說了.jpg,香港打工仔真係命苦。十號風球落波,周街冧樹都要趕住返工。呢兩日黑幫襲擊新界,戲院關門,戲院主管要扣員工嘅年假。反觀日本,有關當局因應明年東京奧運交通負荷太嚴重,計劃實施「遙距返工」Telework Days 安排。

日本官方估計,喺明年7月至9月奧運會期間,有多達650,000旅客到訪東京觀賞運動會,已經作出相應部署。佢哋聯同東京超過3,000大中小企業,研究喺呢段期間實施「遙距返工」安排。到時預計有600,000名員工會留喺屋企,利用電子通訊及互聯網維持正常工作。參與計劃嘅企業有富士、豐田及NEC等巨企。

其實,「遙距返工」對日本人嚟講唔係新鮮事。日本政府為紓緩打工仔女返工壓力,每年都會安排部份企業叫員工留喺屋企做嘢。據講,喺留喺屋企做嘢嘅員工,工作質量並無下跌。而東京奧運呢次咁大規模實施,正可以檢視返工嘅必要性。


不過,香港人「扮工」多過「辦公」,所以返工係好必要嘅,阿門。

資料: 英國衛報

Fitz連結: https://fitz.hk/?p=123279

其他文章:

廣告