美國佛羅里達大學，早前進行一項「史上第一個挖鼻孔研究」，發現有超過90%被訪者有挖鼻孔習慣。而呢個壞習慣，原來足以影響健康!
研究團隊以抽樣方式，向1,000名美國人派發問卷，結果發現:
- 91% 受訪者承認有挖鼻孔習慣；
- 75% 受訪者覺得呢個習慣好平常；
- 1.2% 受訪者每個鐘都會挖一次鼻孔；
- 0.2% 受訪者試過鼻孔發炎；
- 約20% 受訪者亦有咬指甲等壞習慣。
研究團隊將「挖鼻孔」習慣正名為 Rhinotillexomania，負責研究嘅教授 Jefferson 強調，挖鼻孔唔單止係壞習慣，更有可能係精神問題，如果唔加以管理或治療，會引起更嚴重嘅心理隱患。
鼻屎有助身體免疫力
事實上，早前有多個研究都證實，鼻屎對人體相當有益。鼻屎含有凝膠狀蛋白質，內含黏稠物同特殊免疫蛋白，可以幫助人體抵抗外來有害病毒及細菌。如果將鼻屎挖走，無形中會破壞身體免疫力。而呢啲由空氣傳入嘅穢物，依附喺鼻孔上，係會經由打吃嚏或流鼻渧排走，所以唔使自己動手挖。最嚴重嘅問題，係有人甚至會將鼻屎食落肚。咁樣鼻屎嘅穢物、細菌，就會經由飲食系統進入人體，大大增加患病風險，嚴重嘅更有可能致命。
醫學界普遍認為，挖鼻孔對個人健康壞處多於一切，大家都係忍下手嘞!
資料: PubMed.gov、Business Insider
講求綠色、環保、天然的健康生活。推廣新一代健康生活文化。
