中國重慶市日前有野生猴子走入村莊,將一名3歲女童強行拖走。當時媽媽喺屋企煮緊飯,女童喺門口玩緊,突然有隻馬騮靜靜走近,仲跳上女童身上將佢撲倒,並強行拖走。幸好鄰居目擊事件,由馬騮手上搶返女童,不過女童塊臉就被抓傷。

當地官員話,由於村莊位處山區,不時有野猴入村生事,早前亦有老人被猴子襲擊。官員話,佢哋會派人巡邏,驅趕走近村落嘅野生動物。

呢單大陸新聞,令人不期然諗到香港郊野嘅馬騮。早前復活節長假,有家長就帶埋小朋友去金山餵馬騮。點知馬騮媽媽護子心切,突然推跌小朋友,家長最後發狂同馬騮展開追逐戰。

正所謂野性難馴,無論任何時候,人類同野生動物都應該保持距離。

資料: 騰訊網


⮑ YAS BYKE 踩車保 保障全港所有單車可行走的公路,任何想踩車的地點都可受到保障,覆蓋更加全面! 作為 YAS 的合作夥伴,Fitz。 讀者可享有限時1次 BYKE Pro 完整體驗! 把握機會為自己加添一份更全面的保障! 了解更多 BYKE Pro 詳情,請瀏覽此
首頁 > 生活 Life > 保育 Conservation > Fitz中國組.重慶野生猴子入村強行拖走3歲女童