來自美國俄亥俄州嘅 Christine，為咗避開健身室人潮，情願深宵去做運動。呢一日，佢貪人少少就試玩「倒立機」。唔知係佢太論盡定係部機太複雜，Christine 上咗部機，set好手機自拍，將自己頭下腳上倒轉之後，竟然唔上唔落，部機唔郁得! 期間 Christine 試過大叫救命，不過因為凌晨時份健身室少人，而現場音樂太大聲，完全無人注意到佢。
就喺 Christine 倒立到頭暈暈嘅時候，佢醒起戴住嘅 Apple Watch，可以幫佢打911報警。
「用手錶報警一啲都唔難，但係我覺得好老尷，我都唔知點同警察講，我畀部機困住唔郁得。」
結果當然係 Christine 報警，警察12分鐘後到達現場，將 Christine順利救出。不過經此一役，Christine 話以後都唔會再上呢部機。
資料: New York Post
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
