Fitz > 新聞 News > 墨西哥酒鬼搗亂馬拉松水站,嘗試為選手補給冧酒

8月底墨西哥首都墨西哥城馬拉松起步前夕,一條短片喺網上流傳。影片顯示一個醉酒佬走咗入馬拉松水站,然後話「我要為馬拉松選手打氣!」,然後就將手上嘅冧酒 (Rum) 倒入水站紙杯。好彩,賽道工作人員起步前已發現呢條片,並即刻將「受污染」嘅飲用水倒晒,參賽選手不受事件影響。

當局話,事件發生喺20公里嘅水站,並指劇烈運動時飲用高濃度酒精 (冧酒大概35%至60%酒精濃度) 可能有劇烈反應,最嚴重會死亡。警方事隔一日鎖定疑犯並將其拘捕,罪名係「蓄意投毒」(attempted poisoning)。

有官員話,佢哋會考慮喺馬拉松比賽前夕,要求酒吧提早關門。

資料: Running Magazine