「同樂運動會」定於明年11月,由香港與墨西哥城市瓜達拉哈拉 (Guadalajara) 共同合辦,日前大會公佈運動會的23個項目,包括:

足球 七人欖球 壁球
公路賽跑: 5公里 閃避球 乒乓球
公路賽跑: 10公里 草地曲棍球 網球
田徑 公開水域游泳 龍舟競賽
越野跑: 短途 游泳 划艇
越野跑: 長途 劍擊 帆船
馬拉松: 全馬 麻將 武術
馬拉松: 半馬 羽毛球
麻將活動將首次成為大型運動會的項目

其中麻將以及草地曲棍球,係特別為香港而設的項目。而多個本地體育協會亦確認支援部份運動項目。此外,香港亦將負責籌備開幕典禮、閉幕典禮、節慶村、每日的藝術及文化表演、慶典音樂會、年輕藝術家作品展,以及慶祝同樂運動會創立40週年的活動。

不分性別性向全民參與

「同樂運動會」英文名稱雖是 Gay Games,但是不分性別、種族、性取向的全球性體育文化活動,以促進性別多元為宗旨,參與選手並無資格限制 (部份主辦地區有特定法例要求,例如香港要夠18歲才可參加),活動人人都可以參與。

上個世紀,代表墨西哥出戰奧運嘅十項全能選手 Tom Waddell,希望透過體育呢個國際通用語言,將全世界唔同性別、唔同背景、唔同階級嘅人,聚集一齊發揮團結力量。喺 Tom 嘅推動之下,1982年成功舉辦第一屆同樂運動會。

1994年紐約舉行第四屆同樂運動會,為活動嘅里程碑。當年共有10,864名參加者,比1992年巴塞奧運選手更多。同樂運動會成為全球盛事,令不少城市有興趣主辦。

上屆同樂運動會於法國巴黎舉行,為主辦城市賺取一億歐羅收益。

香港原於2022年舉辦第11屆同樂運動會,但因疫情影響,活動順延至2023年11月。而主辦城市亦由香港獨辦,變為香港與瓜達拉哈拉合辧。而香港成為了史上第一個亞洲地區舉辦此項活動。

大會估計,香港同樂運動會預期於未來19個月,每月平均接觸2,000名活動參加者,並在2023年11月運動會期間接待7,000名參加者和25,000觀眾,合共凝聚近70,000人慶祝這項全球盛事。


⮑ YAS HYKE 行山保 保障範圍涵蓋全港所有山野及行山徑,5程僅需$75 (Fitz 讀者優惠$50/5程),便享有意外醫療、財物以及身故賠償等保障,合共保額超過HK$300,000。
首頁 > 運動 Sports > 同樂運動會延至2023年11月舉行,23個運動項目包括麻將