好多奧運贊助商呢個時候都保持低調

東京奧運仲有唔夠兩個月就開幕,不過日本疫情居高不下,逾80%受訪國民表示希望延期或取消。當局雖然決意如期舉行,但前途甚為悲觀。

民間對奧運有反對聲音,商界亦有同樣不滿。日本電子商務巨頭樂天集團 CEO 三木谷浩史早前向 CNN 表示:「日本舉辦奧運會將是『自殺式任務』」。另外,《金融時報》報道,有日本本土贊助商亦不滿奧運嘅防疫措施,希望「至少延遲幾個月舉行」。

部份日本贊助商

東京奧運共有47間來自主辦國日本嘅贊助商,涉及贊助費達30億美元 (約港幣234億)。有贊助商向《金融時報》透露,佢哋花費巨款贊助奧運,但完全得唔到宣傳效果:

  • 國內民眾普遍對今屆奧運有不滿情緒,商品同奧運沾上關係,反而有不良效果,所以唔少贊助活動都低調進行
  • 疫情之下,海外觀眾近乎絕跡
  • 如果疫情居高不下,各項比賽有機會連國民都唔畀入場

即係話,東京無論氣氛以至觀賽安排,都對贊助商相當不利,所以佢哋希望延期至較佳時機先正式舉行,樣各方面都皆大歡喜。

不過,事情又是否這樣簡單?

民眾對舉辦奧運相當不滿

資料: Financial TimesCNN

首頁 > 運動 Sports > 無現場觀眾零宣傳效益,東京奧運贊助商促延期舉行