上面圖片呢兩日喺網上瘋傳,聲稱係城門谷運動場嘅飲水機。圖中並唔見到飲水機有入水喉以及濾水器,令人擔憂運動場飲水機嘅水質安全。

最後網民用自己方法 fact check,有啲打去運動場問,有啲去其他運動場觀察,結果發現只係虛驚一場。

飲水機定期清洗?

原來呢部飲水機嘅濾水器,安裝喺女更衣室天花,仲係定期清洗:

  • 飲水機每日用漂白水徹底清潔
  • 每3個月更換濾芯
  • 每6個月更換紫外光燈

程序就係咁,做唔到做又有邊個知?

九龍仔公園飲水機

飲水機污糟過廁所?

舊年《東方日報》有專題報道,記者抽取6個運動場飲水機嘅飲水用進行化驗,發現有部份樣本相有極多細菌,包括大腸桿菌及金黃葡萄球菌,有樣本更比家居廁所多44倍細菌!

飲水機污糟,除咗可能因為運動場人員未有及時清潔,相信亦同市民使用習慣有關。

去過運動場嘅朋友肯定見過,有啲缺乏公德嘅人會將飲水機當做洗手盆,用佢嚟洗手、洗臉、濕毛巾,令細菌滋生(奇怪在行兩步就有廁所)。而舊式噴射式飲水設計,亦有設計上嘅缺陷,其實相當唔衛生。

有關方面係咪可以改良飲水機嘅設計,並且鼓勵大家帶水壼水樽,希望可以減水啲人將飲水機當洗手盆。

荃灣體育館嘅新式飲水機,採用斟水設計,應該無咁易污糷。

資料參考: 東方日報


文章為作者意見,不代表Fitz立場。

歡迎投稿: http://fitz.hk/contribute/

廣告
永誠
講求綠色、環保、天然的健康生活。推廣新一代健康生活文化。