Fitz > 運動 Sports > [武漢肺炎] 全球體育賽事停擺 Nike UA股價大瀉
Donovan Mitchell被確診

3月12日,黑色星期五前一日,一覺醒來,全球體壇不斷傳來壞消息,球星名人紛紛中招: 一分鐘前 NBA 球星中招,下一分鐘就係祖雲達斯C朗個隊友又中招。再之後,仲有喺電影跑過幾千公里嘅 Forrest Gump,然後到晏少少F1車隊麥拿侖有位工作人員確診,成支車隊宣退出星期日嘅開幕戰。

總之,整個星期四有賽事停賽、延期、閉門等消息,真係數都數唔晒 (根據星期四晚路透社消息) :

  1. 美國: NHL、NFL、MBL、NBA,唔係暫停就係延期
  2. 歐洲: 有傳六月歐洲國家盃延期一年,歐聯、歐霸取消
  3. 足球聯賽: 英超有球員疑似確診,估計會暫停; 意甲、德甲、西甲,以至捷克、斯洛文尼亞等地賽事,亦告延期或閉門作賽
  4. 奧運: 暫時仲好強硬,話會如期咁話
  5. 長跑: 波馬據報取消、倫敦馬仲未取消,不過絕不樂觀; 新加坡 Sundown 已宣佈取消
  6. 其他如網球、賽事、高球等,運動員要走勻全世界參與嘅賽事,大多數都宣佈取消或延期

運動盤股災

無咗比賽,咪以為只係觀眾嘅損失,其實仲係股民嘅損失。

就喺星期四美國股市開市後,因為美國多項體育賽事宣告暫停,令幾間著名運動品牌損失曝光機會,股價瀉。Nike (NKE) 2月初至今已下跌約25%,Under Armour (UA) 更大跌逾一半。美國方面嘅專家分析:

  • Nike 擁有最多 NBA 球星及為現時官方贊助,停賽令前途被睇淡,新鞋推出或需延後
  • Under Armour 本身係美國品牌,看重美國本土市場,NBA、NHL 等停賽,影響甚大
  • Adidas 嘅 CEO Kasper Rorsted 早前話:「武漢肺炎對行業打擊是前所未有咁大!」
Kasper Rorsted

資料: CNBC