近日一條籃球短片網上爆紅，有過百萬人觀賞，片中嘅婆婆，無論帶波、走位、傳波、射籃，都係有板有眼，婆婆被封為「Jordan婆婆」(Granny Jordan)，有人甚至話佢勁過 LeBron James。
婆婆叫做 Andrea García Lopez，喺墨西哥南部小鎮 San Esteban 相當有名，經常現身各大小籃球賽。其實 Andrea 婆婆10歲開始打籃球，一打就打咗60年，仍然對籃球運動樂此不疲。佢話打到今時今日仲繼續，全因為可以同年輕人接觸，可以 keep 住心境青春。
婆婆話已將佢畢生嘅球技傳授畀六個兒女，佢雖然近年膝部有傷，不過仍會將對籃球嘅熱情，繼續傳落去。
資料: Daily Mail
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
