武肺疫情全球爆發後,唔少人為咗健康,或避開公共交通人潮,都興起以單車代步,隨之而來單車意外亦大幅上升。

英國情況更加特殊,因為城市道路較為狹窄,在未有「彈出式單車徑」(pop-up cycleway) 前,汽車與單車爭路成為意外主因。當中包括了「汽車開門而撞到單車」的意外,大致係咁:

  • 單車唔依行車線而行,俗稱「攝車隙」,單車往往太貼近汽車
  • 汽車乘客或司機落車時,唔睇清楚車外情況,結果一開門就撞到單車。因開門而發生意外,網民稱之為「開門L」

英國官方統計指,呢類意外5年來多達3000人受傷,8人死亡。

落車要有法

其實只要汽車乘客小心落車,就可以避免意外發生。除咗落車前望清楚車外環境,亦可以用呢個方法:

落車時,用離開車門最遠嘅手開門。即係話開左邊車門用右手,開右邊車門用左手。

呢個方法可以令落車乘客有機會望下後面情況先落車,確保安全。而單車文化盛行嘅荷蘭,亦將呢個方法列入法例,乘客唔依呢個方法落車而發生意外,會被檢控。

呢個落車方法,被稱為 Dutch Reach。

車廠新技術

總部位於捷克嘅 Škoda 車廠,亦留意到「開門L」問題。未來佢哋幾款新車,會加入偵測技術,發現車外有移動物件,就會發出響聲。

除咗汽車乘客,其實單車一族亦要注意安全,依照交通規例騎行,可以減少意外發生。

資料: Cycling Weekly

廣告
張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。