上星期大家有無睇喺香港舉行嘅國家盃場地單車賽 (UCI) 呢? 好開心同大家講返,Zyphr 有幸成為本年度 (2021年) UCI 國家盃場地單車賽嘅官方運動服裝供應商!

場地單車係香港其中一項最具代表性嘅運動。香港「女車神」李慧詩喺2012年倫敦奧運會代表香港贏得單車女子競輪賽銅牌,令香港人開始認識到場地單車呢種運動,上星期李慧詩出戰強項爭先賽,盡顯王者本色,過關斬將後於決賽兩戰兩勝日本對手小林優香 (Yuka Kobayashi),強勢奪金,可喜可賀。

場地單車講求專注、耐力同堅持,係最苛刻嘅運動之一。運動員需要喺比賽中時刻保持最佳狀態,就好似 Zyphr 嘅理念一樣: 創造全球性能最強嘅運動服裝,以滿足運動員嘅訓練同健康所需,令佢哋能夠發揮出應有嘅水準。

香港單車聯會希望能夠邀請一個關心香港運動員、熱衷體育賽事,以及提供創新性能運動服裝嘅本地運動品牌成為 UCI 國家盃場地單車賽嘅官方運動服裝供應商。而隨住世界朝著性能以及生活方式邁進,佢哋非常鍾意 Zyphr 能夠透過服裝將性能及日常生活連接,認為我哋係合適嘅代表。所以,當我哋收到香港單車聯會嘅邀請之後,我哋毫不猶豫就應承咗。

喺疫情之下要舉行國際性嘅活動並唔容易,而是次比賽能夠有幸如期進行,實在係令人亢奮! 今年嘅 UCI 國家盃場地單車賽喺上周未13至16號舉行,有來自超過20個國家嘅選手前往香港參賽,而呢次亦都係香港第一個有海外運動員來港出賽嘅體育盛事。雖然比賽將閉門舉行,不對外開放,但4天都有電視全程直播。

Zyphr.com


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 單車 Cycling > [國家盃場地單車賽] 專注與堅持成就非凡