[夫妻同心] 七天穿越阿爾卑斯山公路單車賽 TOUR Transalp 2017 (二)

Stage 3 27/6/2017 Naturns to Bormio 約97公里 
環意經典路線 Stelvio Pass

今日要上兩個山，總爬升3000米高度。
一日經歷春夏秋冬
上第一個1575米山，大霧…..春。
落山平路太陽放晴…….夏。
初段上 Stelvio 時陰涼……秋。
上到頂2757米，凍到見雪，加上雨粉，真係震住落山……冬。
都唔知點著衫去配合。

每朝七點都要放行李出酒店門口待大會收送到終點站。

報名前曾經問過自己：「有冇能力爬上這座大山?」以前玩開山賽的我，決定投入單車運動，用九個月的時間練習爬坡，誓要征服這座巨山。

以前玩開山賽的我，決定投入單車運動，用九個月的時間練習爬坡，誓要征服這座巨山。訓練的過程是漫長和辛苦的，持之以恆地在大棠、田夫、錦田、大帽山來來回回，重重覆覆去鍛練耐力。

訓練的過程是漫長和辛苦的，持之以恆地在大棠、田夫仔、錦田、大帽山來來回回，重重覆覆去鍛練耐力。

Stelvio Pass 係環意經典路線，連綿不絕的髮夾彎 (約49個)。

以雪山襯托，非常壯觀。爬完一個又一個的坡道，跟住再片返落嚟的快感，怪不得曾被例入世界5大單車路線，有幸自己仲有能力用騎單車的方式上一轉，實在令人興奮不已。

當爬上 Passo Stelvio 時，發現自己的體能帶領身體和單車去更高的地方，被白雪覆蓋的阿爾卑斯山山群圍繞著，往下望就只有連綿不絕的髮夾彎，全是以往的艱苦訓練的回報。

2758米高的 Stelvio Pass 極凍，我把在山上買到的戰利品都穿上身。

然後衝落下面的髮夾彎

----- 廣告 Ad -----

該站終點設於 Bormio，該小鎮剛幫手舉行完第一百屆環意單車賽

Stage 4 28/6/2017 Bormio to Livigno 約135公里

極壞的天氣，賽事開始不久就腰斬了。

今日要上另一段環意路段 Umbrail Pass

由 Bormio (1200米) 出發爬升至2500米高的Umbrail pass（2500米），之後再過Ofenpass 同Bernina Pass (環瑞路段)。

開始已經心有不妙，又大雨大雷。

今次我哋醒呀! 臨出發喺酒店攞咗兩個垃圾膠袋當衫着。有個伯伯仲擔心我哋會焗親，叫我地除咗佢。我心諗地面溫度得16度，海拔高加上落雨，應該得返10到樓下，如果上到2500米，應該會變雪條。

上咗大概五公里，已經見有啲參賽者頂唔順自己落山，我哋諗住挨埋上去啦！去到11公里，大堆選手衝落山話俾我哋聽賽事腰斬了。

我哋諗住碌落山容易啦！當全身濕透、全身僵硬，再高級的 pro cyclist 都震住落山，手指唔聽指揮唔住過 brake，極危險。

沿途見有叔叔低溫症發作，亦有選手爆軚好狼狽，大家好似搭上 Titanic 隻沉船咁，盡力衝落山起點處去求生。

返到大會起點處，成個難民營咁，有包身錫紙、食物和熱飲提供。

之後再安排旅遊巴送我哋到終點站 Livigno。

路程短但充滿刺激的一站。提早返到酒店。

提早返到酒店。

又準備打水戰

天氣太凍，賽事腰斬，選手們努力衝落山

返回臨時避難所，大會提供熱飲和食物給參賽者

難民輸送中，前往Livigno

當晚的 Pasta Party 亦宣佈因天氣惡劣，取消第五站賽事。亞洲隊伍就只有香港和星加坡兩隊

Stage 5 29/6/2017 Livigno to Aprica 約110公里

天氣實在太壞了。

舊雨雲一路跟住我哋個比賽，導致這站賽段中的兩個山頭都結霜和落雪，真是難以置信，這是六月底的天氣嗎?

之前14屆賽事，最多都係取消一個站，但係今屆就連續取消2個站，真黑仔。

連續兩個 stages 取消，冇咗成200+公里路，同埋5個大山頭，最有挑戰性的 Queen Stage 也不見了。

唯有在 Aprica 市內閒逛。

取消賽站，又要坐旅巴

Aprica 小鎮—有份幫手支援環意單車賽

賽事的專業攝影師

冠軍隊伍—每站都穿上黃色戰衣，來自比利時的業餘車手

(待續……)