[公路車用碟煞] 專業車手齊聲反對 1
Francisco Ventoso嚴重受傷,要入院開刀。
喺4月舉行嘅「巴黎至魯貝」(Paris-Roubaix) 公路單車賽,發生嚴重意外。車手Francisco Ventoso跌倒之後,被單車嘅煞車碟「批中」,左腳嚴重受傷。

近年,單車碟煞系統雖然大幅改良,無論性能、重量都大大提升,不過呢幾年仍然停留喺越野車上使用,理由係傳統煞車系統易受泥土影響其功能。

至於公路單車,國際單車聯盟(UCI)已經係2016年為碟煞單車進行試驗,並計劃係2017年嘅比賽,全面推行呢款制動系統。

Francisco 嘅傷勢
Francisco 嘅傷勢

一般而言,公路單車採用碟煞嘅好處:

  1. 制動能力較佳,落斜較為安全及慳力;
  2. 輪呔不受煞車系統影響,而可使用更厚輪呔,令車手更舒適;
  3. 煞車不受車輪損壞、移位等問題而受影響
公路單車嘅碟煞系統。就咁睇落似足刀片,難怪Francisco 會咁傷。
公路單車嘅碟煞系統。就咁睇落似足刀片,難怪Francisco 會咁傷。

但有唔少車手對碟煞系統抱懷疑態度:

  1. 較傳統煞車易壞,且更換麻煩;
  2. 危險:除咗好似Francisco咁,公路比賽成堆車堆埋一齊,碟煞可令單車突然停下,完全有機會會「炒埋一碟」;
公路車車比賽成堆車一齊,好易炒埋一碟。
公路車車比賽成堆車一齊,好易炒埋一碟。

可參考以下影片:

而呢次「巴黎至魯貝」比賽,亦屬於UCI嘅試驗計劃。該場比賽總共有16部單車採用碟煞。而Francisco就唔好彩,喺跌低時遇上其中一部碟煞單車。

意外發生後,以Francisco為首嘅單車手,發起公開信,要求UCI擱置推行碟煞嘅計劃。理由係公路單車比賽,每每幾十,甚至過百車手集合埋一齊。發生意外嘅話,隨時再次發生好似Francisco嘅嚴重受傷。

UCI有見及此,亦宣佈暫時禁用碟煞,要研究相關嘅安全措施先再推出計劃。咁嘅情況下,換晒碟煞嘅香港車友,又有無考慮換番傳統V夾或C夾呢?

資料來源:Cycling WeeklyRoad Cycling UK

更多:
Fitz.hk Facebook 專頁
[濟州單車環島] 第一天 Day1
[Cape Epic 2016] 香港6人挑戰南非賽道
Fitz Cycling 單車

首頁 > 運動 Sports > 單車 Cycling > [碟煞係最強兵器? ] 車手重傷 公路車全面禁用