[香港單車徑] 單車泊車設施 四項缺失

圖: 運輸署

香港對單車規管嚴苛，單車唔可以上行人路，上斜路要落車，過紅綠燈要落車……要停泊單車，亦唔可以立亂搵位泊，一定要停泊喺合法嘅單車停泊位。

四個政府部門管理泊位

• 運輸署: 於管理單車徑嘅同時，運輸署亦會於沿單車徑嘅「合適」位置，設置單車泊位。位置以就近公共交通交匯處 (如鐵路站) 為主，亦會於受歡迎嘅單車徑 (如吐露港) 設置泊車位供遊人休息。於新界單車徑網絡沿途，亦會加強呢一類泊位。(見: 運輸署泊位位置圖)

• 房屋署: 在公共屋邨設立泊車位，方便居民
• 食環署: 於公共街市附近設有泊車位
• 康文署: 於公共康樂 (如公園) 及圖書館、大會堂等設施一帶，設立泊車位
• 房屋署、食物環境衞生署及康樂及文化事務署管理的公共單車泊位

兩種泊車方式

倒U型單停放欄

將車身傾側向鐵欄，固定單車。

高低停放單車架

將頭轆插入，以固定單車及鎖車。

合法泊位不受歡迎

現實中，呢啲合法嘅單車泊車問題多多:

屯門兆康站的單車泊站距離車站過百米 (相片後方)，唔少人都情願違法泊車

1. 位置不佳: 車站嘅泊位往往唔喺車站附近。踩完車，泊好，仲要行一段路先可以搭車，極為不便。不多人情願冒險違例泊行人路欄杆、或車站範圍。
2. 殭屍車眾多: 所謂「殭屍車」，係泊咗喺停車位，但係長年無人拎走嘅單車。呢啲「殭屍車」令真正要泊車嘅市民無車位用。
3. 盜賊如毛: 單車泊位缺乏監控 (如無CCTV)，長年成為偷車黑點。且無論係倒U型單停放欄定係高低停放單車架，車主都難以加強鎖車設備，就算唔會整部被人偷去，往往會煎皮拆骨，且單車被偷難以追查。
4. 管理不善，雜草、垃圾，有人清理，環境有問題，自然無人會泊。

兆康站單車泊位雜草叢生

事實上，如果政府希望更多人利用單車代步，泊車問題一定要解決。

資料: 運輸署