Fitz > 運動 Sports > 單車 Cycling > [新界單車徑網絡] 荃灣單車徑4月27日啟用
今年三月荃灣西對出單車徑嘅情況

新界單車徑網絡陸續啟用,上年9月開通屯門至上水一段,屬於「新界單車徑網絡」嘅荃灣單車徑,亦定於4月27日通車。

呢段荃灣單車徑,由海濱花園青衣橋為起點,沿荃灣海濱公園,經柏傲灣、海之戀,以麗城花園為終點,全長約2.3公里。短短2公里亦包括一個匯合中心、2個休息處,以及單車泊位等設施。

海之戀對出

荃灣屯門單車徑仍未動工

官方話荃灣單車徑係「荃灣至屯門單車徑」嘅前期工程,話完工後市民可以一口氣由荃灣踩去馬鞍山,全長60公里。不過,計劃中嘅荃灣屯門單車徑,會經過深井、青龍頭、黃金海岸等住宅區,但單車徑計劃遭受呢啲地區居民反對,遲遲未能落實計劃。所以,想由荃灣沿單車徑踩入屯門,現時只屬幻想。

土木工程拓展署於2019年1月公開嘅圖則。(按圖放大)

資料: 經濟日報劉卓裕 Adrian Lau


文章為作者意見,不代表Fitz立場。