起好單車徑，車友就唔可以喺馬路操車
「荃屯單車徑」計劃咗廿幾年，終於興建在望。立法會議員朱凱迪喺佢嘅專頁公佈「荃屯單車徑」嘅興建情況：
- 荃屯單車徑第一段，即係由荃灣海濱花園至麗城花園，已經進入撥款程序。只要立法會通過撥款，就可以動工興建
- 荃灣西站對出會設立大規模嘅單車停泊處
- 三聖邨至掃管笏一段，應該會隨之而興建
- 至於麗城至深井、深井至掃管笏呢兩段單車徑，除咗仲有地區居民阻撓之外，工程造價亦十分龐大，尚在籌劃階段
按圖放大
----- 廣告 Ad -----
由於環境所限，部份路段要興建高架橋，令成本上升。
此外朱凱迪亦留意到，根據法例，如果公路附近有單車徑，單車係唔可以踩出馬路。即係話，一旦荃灣至屯門有一條完整嘅單車徑，單車友就唔可以喺馬路操車!
咁究竟有單車徑好啲，定係唔起單車徑好啲? 朱凱迪就話，佢會爭取更改法例，唔好一刀切禁止單車喺有單車徑嘅公路行駛。不過呢個想法，可能仲難過喺深井起單車徑囉!
Fitz 文章連結: https://fitz.hk/?p=92825
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。