Fitz > 運動 Sports > 健身 Fitness > 健身意外不幸截肢,澳洲男失手臂不失鬥志劍指巴黎帕運

今年29歲,來自澳洲阿德萊德嘅 Gabriel McKenna-Lieschke,平日最鍾去健身室操肌。2020年,佢如常去到 gym 房,照常舉起一個50公斤啞鈴,竟然發現肌肉有撕裂感覺。Gabriel 好冷靜,第一時間衝去急症室。

醫院醫生檢查後,話 Gabriel 係二頭肌肌肉撕裂,隔兩日同佢做手術,成功駁回肌肉,並且好快出院。但係,返屋企之後 Garbriel 肌肉又紅又痛,更出現潰爛,返醫院檢查後,發現是壞死性筋膜炎。當時 Gabriel 陷入昏迷,醒返之後已被截肢,更進行咗十幾次手術,成功保住性命。

保住性命更要延續鬥志

Gabriel 由一名四肢健全、體魄強健嘅大隻佬,忽然變為截肢者,但連番不幸並無擊倒其鬥志。截肢後嘅 Gabriel 要適應缺少右臂嘅生活,運動上亦要適應截肢後嘅重心:心理方面,Gabriel 唔單止無被打沉,更加向新嘅目標邁進:2024年巴黎帕運單車項目。

而家嘅 Gabriel 仍然每日去健身,更會加緊練習踩單車,希望到時可以出戰巴黎。

資料: Daily Mail


⮑ YAS HYKE 行山保 保障範圍涵蓋全港所有山野及行山徑,5程僅需$75 (Fitz 讀者優惠$50/5程),便享有意外醫療、財物以及身故賠償等保障,合共保額超過HK$300,000。