飾演超級英雄「雷神」嘅 Chris Hemsworth，除咗喺電影入面揸鐵鎚打壞人，閒時亦積極健身。幾年前佢仲創立健身應用程式 Centr，自己做埋生招牌，程式至今有過百萬次下載。
近日，「雷神健身app」被私募基金 HighPost 收購，作價2億美元 (約15.6億港元) 。收購之後，Centr 將會同健身器材公司 Inspire Fitness 合併，成為一間健身企業集團，而雷神就會成為呢間企業嘅第二大股東。
外界普遍認為，Chris Hemsworth 係 Marvel 系列電影嘅主角，形象正面甚受歡迎，而且個人 IG 超過5400萬 followers，單係名聲已經好值錢，所以 HighPost 呢次收購物有所值。
----- 廣告 Ad -----
雷神健身app “Centr” 喺2019年推出，於美國及澳洲相當受歡迎。本身嚟自墨爾本嘅 Chris Hemsworth 表示，佢哋希望企業合併之後，可以發展成一個家居健身一站式體驗，大家唔去健身室都會有訓練成果。
隨住健身應用程式以及居家健身器材普及，鍛練身體已經唔一定要去健身室，可能第時去gym上元宇宙已經搞掂。
資料: Bloomberg
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。