九月中國隊對澳洲負 0:3

世界杯外圍賽,柬埔寨主帥日前表示:「根據我嘅觀察,睇怕中國隊無機會出線。」明明柬埔寨一早已於外圍賽出局,兼且世界排名174,落後中國成100位。何以佢哋咁大言不慚,而大陸媒體竟然又好重視呢個消息呢?

因為,佢就係日本球星本田圭佑。

出任柬埔寨教練嘅本田圭佑

本田有幾勁? 論名氣,雖然佢未必比得上大師兄中田英壽或者踢過曼聯嘅香川真司,不過本田足跡遍天下,去過荷蘭、俄羅斯、意大利 (AC米蘭)、墨西哥、巴西、澳洲、葡萄牙、阿塞拜彊以及最新去到立陶宛踢職業聯賽。2018年開始受聘於柬埔寨,以兼職身份出任國家隊教練。

本田日前向媒體指出:「從與日本隊的比賽就可以看出來,中國隊已經淪為亞洲三流球隊了。以中國隊目前的足球水平,他們很難打進卡塔爾世界杯的決賽周。」

就係因為係本田圭佑咁有見識,加上講嘅係事實,所以就算對中國隊批評得咁徹底,大陸媒體亦無咩反駁。

中國晉級要問過越南先

世界杯外圍賽亞洲區已進入12強階段,分兩組進行小組循環賽。中國被編入B組,目前兩戰兩負零分,與越南緊守榜末。10月7日中國作客越南,係兩隊生死戰,得勝一方尚有一線生機爭奪出線機會。

中國隊之所以咁多年都一厥不振,除咗球技、戰術問題,球員同領隊嘅識見,都比其他國家輸蝕好多。

資料: 搜狐


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 足球 Football > 世界杯外圍賽 • 柬埔寨主帥: 中國已淪為亞洲三流球隊