呢兩日美斯唔夠呢篇文章紅
卡塔爾世界盃進入最後階段，四強阿根廷、克羅地亞、法國、摩洛哥各有支持者。不過近日熱爆中國網絡嘅世界盃消息，並唔係關於美斯、麥巴比或者摩迪，而係中國隊自己。
最近一篇題為《冷知識：國足歷史上擊敗過本屆世界杯四強球隊》登上微博熱搜，多個大型網站如新浪、搜狐、網易亦有轉載。文章好短，只係列舉中國隊擊敗過今屆世界盃四強球隊嘅年份及比數:
- 2017年：國足點球 (12碼) 總比分5-4克羅地亞（中國杯）
- 2010年：國足1-0法國，鄧卓翔破門（友誼賽）
- 1984年：國足1-0阿根廷（印度尼赫魯金杯邀請賽）
- 1977年：中國國家一隊3-2戰勝摩洛哥（北京國際足球友好邀請賽）
近日國足低迷，連大陸民眾都唔撐，所以有人話呢文章簡直「不知廉恥」。不過更多人認為，其實文章係「高級黑」，係反諷現今國足有幾無用，你又點睇?
