Fitz > 運動 Sports > 足球 Football > 卡塔爾世界盃2022 | 中國媒體斥日本球迷執垃圾偽善: 是受指派的「專業團隊」

卡塔爾世界盃E組最後一輪,日本再次奇蹟反勝西班牙,最終以小組首名出線。賽後日本球迷一如既往留喺看台執垃圾,全球網民激讚。不過中國媒體方面,對於日本球員執好更衣室,以至日本球迷執好看台,過去一星期都樂此不疲跟進,有文章讚賞日本隊操守,但更多係提出質疑。

1. 日本人的「奴隸根性」

各篇抽擊日本的文章之中,最常見就係引用日本不具名討論嘅留言。指日本國內民眾對於「執垃圾」好厭煩,話影響到清潔工人飯碗,並不可取。佢哋甚至講到呢啲係日本人嘅奴隸性格,唔應該推崇云云。

國際足協上傳嘅日本對德國嘅更衣室相片

2. 第二場比賽「打回原形」

某大陸媒體話,日本隊第二場比賽對哥斯達尼加,賽後嘅更衣室好似打仗一樣,相當混亂,仲圖文並茂加以描述。不過從裝修、環境等去睇,就會覺得大陸媒體所謂「證據」較難令人信服。

3. 專業「做show團隊」

中國有人更指出,這些執垃圾球迷,是受指派的「專業團隊」,他們到世界各地的大型活動,為日本建立良好形象,說好日本故事。他們甚至提出,日本球迷一律使用藍色膠袋執垃圾,是有組織活動的強力證據,至於這個團隊受聘於哪些人,有關文章並無指出。

有人話日本球迷「盛裝」出席活動,足見背後有龐大利益。

外國傳媒報道,這些藍色膠袋的確是由日本球迷自發派發,但背後並沒有什麼重大陰謀。藍色,是配合日本國家隊「藍武士」(Blue Samurai) 的稱號,球賽時可以讓球迷製造一片藍海,完場又可以用來執垃圾。

4. 中國球迷無人讚

有中國媒體發表圖片,指亦有中國球迷在賽後幫手執垃圾,但就沒有人表揚。

可幸,大陸仍有網民指斥這些說法站不住腳,甚至替日本人辯護。事實上,要得到別人尊重,做好自己比批判別人是更有效的方法。

資料: 網易中國經濟網