日本球星古橋亨梧被換出後場邊執垃圾，場內輸波場外受激讚

現効力蘇超球隊些路迪嘅日本球員古橋亨梧，早前喺歐霸賽事對德甲利華古遜半場落後，古橋亦因為個人失誤連累球隊輸咗一球，結果佢喺74分鐘被換出。不過，古橋雖然被逼離場，但佢無揼水樽無踢草皮，反而彎低腰執起場邊幾件垃圾。

海外サポーター大絶賛！！！

0-3ビハインドの74分に交代した🇯🇵#古橋亨梧 がベンチに帰る途中にピッチに入りそうなゴミを拾っていく動画が話題🔥🔥🔥

素晴らしいプレーヤーは素晴らしい人間性も持ち合わせてる。pic.twitter.com/fsP3LPIO7G

— Peitaro@GOAL速報 (@Soccer_King_0) October 1, 2021

結果，些路迪以0:4輸畀利華古遜，但古橋執垃圾嘅短片傳遍全球，得到球迷及媒體讚賞。英國足球媒體更話，對日本球員嘅品格同公德心深受感動。

古橋亨梧人氣高企，唔怪得剛剛轉去蘇超，已經有傳英超球隊修咸頓打算向些路迪挖角。

其實，日本球隊嘅品格一直備受讚賞，最經典一次就係2018年俄羅斯世界杯，日本隊踢完波之後竟然將更衣室打掃乾淨。(上圖)

此外，呢屆世界杯對哥倫比亞，日本球迷睇完波之後亦收拾好觀眾席垃圾，此舉亦感動哥倫比亞球迷加入收拾行列。

資料: Yahoo! Japan