咪以為香港嘅山峰唔高,其實都可以欣賞到壯麗嘅天然景色。香港春天最常見嘅大自然景色,就係上山睇雲海。不過想睇雲海,都咪心急出發住,問咗天文台先。因為雲海呢種自然景觀,同一種叫「逆溫」嘅天文台現象好有關係。

甚麼是「逆溫」?

普遍環境之下,越近地面溫度就會越高,距大氣層越近就會越凍。不過有時會出現相反情況,高空氣溫反而會高過地面。呢個時候,空氣中嘅水氣會喺大氣低層聚集,形成雲層。當山峰嘅高度比雲層更高,咁就變成大家睇到嘅雲海。而因為香港春天天氣較為潮濕,較容易出現雲海或霧海。

從「高空氣象觀測」,可觀測到高空空氣溫度、露點溫度、風速及風向的垂直變化圖。如果氣溫 (紅線) 越高位置越高溫度,即係出現「逆溫」,呢個時間,如果藍線 (濕度) 越接近紅線,即係濕度高,就會出現雲霧逆溫層。咁樣,大家上山欣賞到雲海嘅機會就會好高。

此外,天文台亦補充,要睇到雲海仲要留意4個指標:

  1. 微風 (低於三級風力)
  2. 濕度高 (高於95%)
  3. 雲層低 (300米以下)
  4. 以日出前後較易睇到

戶外攝影天氣資訊網頁

天文台嘅「戶外攝影天氣資訊網頁」可一次過睇晒分區天氣、雨量、高空天氣,以至能見度等資料,方便大家進行戶外攝影。如果諗住上山做龍友,計劃行程同出發前都記得睇睇!

資料: 香港天文台


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 行山 Hiking > 上山睇雲海 先認識「逆溫」