早前有人影到九巴於萬宜路試車 圖: 香港交通．資訊網
萬宜水庫巴士路線有新消息。繼上次畀人影到九巴單層巴士萬宜路試車後，事隔個幾月再有新發展。
九巴App及官方網站最近加設 “94R” 路線，路線共有7個站:
九巴94R線
- 西貢總站
- 美德街
- 大環
- 麥邊
- 北潭涌
- 上窰
- 鯽魚湖燒烤場
- 西貢萬宜路 (香港地質公園)
按圖放大
從地圖睇，佢呢個「西貢萬宜路 (香港地質公園)」嘅總站，並無完全踩入萬宜水庫，只係去到麥理浩徑一段涼亭嘅分叉路口 (萬宜坳，見下面地圖)。
至於巴士收費、班次資料，以及幾時實行，網站仲未有記載。
為咗1公里路要開設新路線?
用Google map量一量，呢個「西貢萬宜路 (香港地質公園)」總站，距離現有巴士及小巴可以到達「鯽魚湖站」只有1公里路。雖然話中間有條大斜路，不過短短1公里路，又要開設一條新路線，有無咁嘅需要呢?
若果因為萬宜路太窄，巴士唔適合駛入西壩及東壩，咁倒不如唔開好過。
資料: 九巴網頁
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。