[人全部都係人] 有關毅行者2016的幾個觀察

山雞 2016-11-22

字 Decrease font size. 字 Reset font size. 字 Increase font size.

%e6%af%85%e8%a1%8c%e8%80%852016-%e4%ba%ba-%e5%85%a8%e9%83%a8%e9%83%bd%e4%bf%82%e4%ba%ba-05 我山雞對於樂施會搞嘅毅行者，年年都無限量支持。今年，我就游走於幾個支援點，支援我嘅朋友。由北潭涌起點至大棠嘅終點，我都聽到唔少人，對於今年毅行活動嘅一啲意見。我嘗試加以整理一下：

%e6%af%85%e8%a1%8c%e8%80%852016-%e4%ba%ba-%e5%85%a8%e9%83%a8%e9%83%bd%e4%bf%82%e4%ba%ba-2

唔少企業都一次過派出多隊出戰

1. 塞車
大型山野活動，一定會塞車。以往，毅行者塞車嘅地點，都係初段嘅上山，好似話西灣山、牛耳石山，或者去到馬鞍山。不過今年聽到唔少參加者，都異口同聲話，整整100公里路，幾乎每一段都有塞車、排隊嘅情況。連以往大家可以「一放到底」嘅平路 (如馬鞍山昂平、雞公山落水浪窩，甚至落草山)，都要排住隊慢慢行！ %e6%af%85%e8%a1%8c%e8%80%852016-%e4%ba%ba-%e5%85%a8%e9%83%a8%e9%83%bd%e4%bf%82%e4%ba%ba-3 有參加者向我表示，人多固然令到山路擠塞。另外一個原因，就係呢幾年越來越多參加者要拎行山杖，但唔少人都不得其法，於是嗰兩支行山杖變成「欄路棒」，後面參加者有位都爬唔到頭，想唔排隊都唔得

2 趁墟
不嬲都係，幾個熱門嘅支援點，例如水浪窩、城門水塘、荃錦坳，都會塞滿人。不過人多還人多，大家都會互相遷就，參加者搵位食飯都唔難。不過今年，我就發覺一個現象，就係唔少有企業支援嘅隊伍，都會喺補給點搞「嘉年華會」，一個大帳幕，就佔咗5個燒烤爐。加埋枱櫈等等設備，一隊人就已經霸咗半個燒烤場！好似水浪窩咁，就真係插針都插唔入。唔少隊伍搞到要行幾百米過外，先夠位食個飯盒。

----- 廣告 Ad -----

圖中左邊嘅支援隊，三個帳幕已霸咗四份一個燒烤場。隨時大過大會嘅檢查站。

3. 無禮
人多，並唔一定亂。不過，今年有唔少人都投訴，話好多參加者忽略山上嘅禮儀。好似話，上面講嘅塞車、人擠嘅情況，如果大家上山嘅時候，見後有人想爬頭而迴避一下；又或者喺支援點見有隊伍無位食飯，而讓半個位出嚟，就絕對可以減少好多不必要嘅磨擦。

%e6%af%85%e8%a1%8c%e8%80%852016-%e4%ba%ba-%e5%85%a8%e9%83%a8%e9%83%bd%e4%bf%82%e4%ba%ba-1 而出現上面嘅問題，唔少參加者都認為，係源於呢兩年毅行者多咗好多海外人士參加，佢哋對於香港本地嘅行山文化並唔熟悉，而出現咁多我哋香港人睇唔過眼嘅問題。

當然，毅行者參加者有5200人，連埋支援隊同工作人員，整個活動嘅參與人數相信超過2萬人，活動嘅範圍由西貢至元朗，大會絕無可能控制每一個範疇嘅問題，咁就唯有靠各個參與者嘅自律同互助。

不過，正因為香港嘅毅行者譽滿全球，吸引來自世界各地嘅人，咁呢啲人又有無嘗試去融合香港嘅行山文化，令活動可以更加暢順呢？另一方面，每年都有唔少本地山友都因為抽唔簽，而對毅行者望門輕嘆，樂施會又會唔會考慮推出「港人優先」等嘅措拖，令香港人可以更輕易參加香港嘅山界盛事呢？

唔少日本人都玩香港毅行者。圖中日本女生，行完100公里仲可以耍雜技。

毅行．傳承
Fitz.hk為樂施毅行者2016大會媒體伙伴

----- 廣告 Ad -----

山雞 Facebook 專頁

山雞

十歲登上魔鬼山，二十歲游走大帽大東鳳凰釣魚翁大刀屻。志願有二：生個仔要叫阿山；登上喜馬拉雅山，掛上真普選直幡。