Fitz > 運動 Sports > 行山 Hiking > 台灣大學生登山「猥褻」告示牌 | 落山墜崖受傷網民額手稱慶

網絡流傳圖片,見台灣一名大學生登上南投能高南峰,拎住山頂標高版做出不雅動作,點知鏡頭一轉,下張圖就係佢落山時墜落幾十米深坡,要call救護員救援。

帖主留言話:「動作猥褻有可能惹怒冥冥之中……」

負責救援的南投消防局證實,早前有人墜下70米山崖,並由佢哋救出,但就拒絕證實事主係咪呢名大學生,只係呼籲民眾行山要注意安全,更要愛護山林環境,以及人工設施。

台灣民眾普遍尊重傳統,登山亦有禁忌多多。佢哋會視標高柱為山上神明,唔可以亂搞。早前有 KOL 穿著性感衣著行山,雙腳仲踩住山頂標高柱,就被網民大肆批判。所謂「靈異事件,信則有,不信則無」,筆者唔係鼓吹迷信,愛護山徑設施,其實只係尊重大自然。

女藝人林采緹

新聞來源: 三立新聞


文章為作者意見,不代表Fitz立場。
歡迎投稿: https://fitz.hk/contribute/