圖:  Photosbyme Photography 遊。我攝

呢幾日時晴時雨,大帽山呢座全港高最峰,「白果」不再,間中都有雲海睇下。荃灣某酒店就乘勢推出「遊山食宿計劃」,等大家可以舒舒服服由酒店出發,上大帽山一遊。

套餐價每位成人$598,仲可以享用酒店設施 (好似得健身室),計劃包括:

  • 自助早餐
  • 外帶小食盒連飲品 (行山用)
  • 秋冬滋補養生宴 (行完山進補)
  • 雙人/三人豪華客房 (一晚)
  • 成人免費享用迎賓飲料
  • 大帽山遠足建議路線乙份
  • 訂購兩間客房或以上可獲贈單程的士(四座位)接送服務 (由酒店至大帽山扶輪公園)

呢個價錢抵唔抵,確實見仁見智。你話四個人加埋成二千幾蚊,就算屋企喺香港仔,搭的士去大帽山最多都係 $500,剩番 $1500,四個人好豪氣食乜都得。不過,如果約到三五知己住下酒店玩兩日,呢啲開心時刻又唔係用錢可以衡量嘅。

最大問題係,如果一心一意諗住上大帽山睇雲海,呢啲大自然現象又唔係可以用錢解決得到。到時畀咗錢住酒店,上到山結果只睇到張「A4紙」,大霧到乜都睇唔到,唔知會唔會呻笨呢?

圖: Wing Leung’s Outdoor Blog

不過,無論係咪住酒店,上大帽山睇雲海,都有幾件事要留意:

  1. 留意天氣狀況,參考《上山睇雲海 4大指標
  2. 就算酒店送你搭的士,汽車都只係去到山腳。要上到山頂一般人要行一個鐘左右,所以要有基本體能
  3. 酒店送嘅「遠足路線」唔知有幾詳細,不宜盡信。任何戶外活動都要做足準備,出發前先了解路線,以及準備充足糧水及裝備。


文章為作者意見,不代表Fitz立場。

歡迎投稿: http://fitz.hk/contribute/

朱溫
生於亂世,有種責任。這個責任就是做好自己,感染別人。鍛練好身體,才能裝備自己,迎接亂世。