12月4日,漁護署發表最新一星期嘅「大棠紅葉指數」,四級裏面排第三級,係黃色。

不過另一邊廂,元朗區議員 十八鄉西 司徒博文 就話:

【大棠紅葉指數=0】傳俾親朋戚友,大棠綠悠悠一片,冇紅葉呀!濾鏡嚟㗎咋🤭  大家唔好嚟大棠了!

去少一年唔係損失

漁護署梗係唔會報錯料,但區議員亦唔係色盲。區議員之所以咁講,純屬曲線,皆因大棠一帶嘅街坊,每到12月同1月都好頭痕,事關出入大棠道路狹窄,只有一條雙線雙程馬路來往元朗市中心,平日居民已飽受塞車之苦,紅葉季節因為太多遊客,多咗小巴、巴士,部份路段更要封路,居民要出門要經歷萬水千山。

事實上,疫情嚴重,大家都應該緊守防疫措施,無謂逼車逼人去睇紅葉,而且楓香林位置唔大,可以係傳播病毒溫床。更加唔應該將自己快樂建築喺居民身上。

咁不如真係接受司徒議員嘅呼籲,上網睇紅葉啦。

附: 大棠紅葉交通安排

圖: 十八鄉西 司徒博文

文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 行山 Hiking > [大棠紅葉指數] 漁護署: 黃 區議員: 綠 究竟邊個色盲?