[山野活動備忘] 不可不知的行山12戒

老友喺佢公司定期搞行山活動，佢作為搞手，例必要提醒參加者一啲行山備忘。呢個備忘，由最初叫大家帶水帶食物，慢慢就越寫越仔細。有日我睇到呢個備忘，覺得可以整理一下。無論組識者同參加者，都一定有參考價值。

參加行山活動12戒

1. 帶備足夠食水 (可參考《水多人不怪? 行山帶水有學問》)
2. 帶備乾糧、零食
3. 其他必需裝備：手機、備用電池、毛巾、太陽帽、現金。 (亦要因應活動時間及性質，帶備如電筒、手套、行山杖、風褸等裝備).
4. 衣著：舒適運動衣服鞋襪，切勿穿著牛仔褲 (我諗香港唔會有人著高踭鞋上山啩)。
5. 每時每刻跟隨大隊活動，如要離隊請問准領隊或負責人 (領隊係有權拒絕隊員離開！) 見《[最緊要定] 行山迷路13項自救辦法》
6. 出行前請向家人或朋友交待路線及返回時間 (用手機Apps通報路線都得) 見《[大霧行山] SMS打卡出事搵到你》
7. 出發前嘗試了解路線，包括起點、終點，以及中途經過的地標及臨時退出路線。 (就算對香港郊野一無所知，記低幾個地名都好)
8. 遇到自己體力不支、受傷、身體不適等身體問題，必需向隊員提出 (唔好怕醜，安全要緊)
9. 輕裝為要，不要攜帶與活動不相干的物品 (親眼見過有人行山帶咗一套小丸子！話行完山要還書！)
10. 行山活動所需時間只屬估計，往往因現場環境而有所延誤。請盡量不要在行山活動後安排一些不可推卻的事，以免影響行山心情。 (經常聽到有人話幾多點一定要走乜乜乜，結果成個旅程大家為咗佢好似走難咁。)
11. 自己垃圾自己帶走
12. 愛護野生動植物

更多：
Fitz.hk Facebook 專頁
其實邊個係肥佬麥?
[谷埔封村7日] 點解呢到咁值得保育?
[學好廣東話] 北潭凹 鉛礦坳 咁都有得拗?
Fitz Hiking 行山