圖片來源：Andy Yung @www.fotobeginner.com
我從來相信，鍾意行山嘅人，必定關心山中一草一木。香港嘅山野比起外國嚟講雖然唔算啲乜，但只要用心留意，就會發現好多有興趣嘅地方。其中一樣，大家都唔使用心去搵，你搵唔佢都會嚟搵你嘅動物，就係香港嘅馬騮。
香港嘅馬騮品種叫做「普通獼猴」，或稱為恆河猴。古時已有記載佢哋喺香港出現。據載，原本香港嘅馬騮分佈喺香港各處山頭，新界九龍固然可以發現，甚至港島南區亦有佢哋嘅足跡。1947年有記載佢哋曾出沒喺太平山頂、大潭以及深水灣一帶。不過之後香港各地大興土木，猴群因棲息地受破壞而慢慢消失。
蘋果日報圖片
----- 廣告 Ad -----
馬錢果實
至於而家馬騮山（即金山、九龍山一帶）嘅馬騮，其實係並非原有族群。1913年政府興建九龍水塘，但因該處有一種叫馬錢嘅植物，佢嘅果實有毒，如果掉落水塘會污染食水。由於馬騮唔怕呢啲毒，仲好鍾意食呢種果實，於是政府就從外地運嚟一批馬騮，再喺九龍一帶放生。而今日馬騮山嘅馬騮，就係呢批外來馬騮嘅後代。
究竟馬騮係善良，定係兇猛嘅動物？ 原載: aigou.com
到六十年代，有人曾放生一對「長尾獼猴」，而呢一Pair馬騮最後與本土嘅馬騮雜交，形成新族群。七十年代亦有街頭藝人走失另一對西藏莤猴，不過呢兩隻馬騮最後老死喺九龍山。
好多駛駕人士鍾意坐喺車入面餵馬騮，所有馬騮一見有車，就會自己衝上去。(來源: http://blog.xuite.net/bennypang/hkblog)
現時香港政府只批准取得認可證的人士餵飼馬騮（據報只有六名），其他人餵飼野生動物，最高罰款一萬大元。事實上，馬騮主要嘅食物係樹木果實以及昆蟲，你畀汽水佢飲，畀薯片佢食，除咗令佢哋唔識得自己搵食，亦令佢哋對人類有攻擊性。而對野生動物嚟講，唔使搵食嘅生活，就會自自然然誕生更多後代，令佢哋為患香港山野。
資料：《香港獼猴》（漁護署出版）、《蘋果日報》
----- 廣告 Ad -----
