[歡迎國內同胞] 香港10大徒步行山好去處
今年四月,有人影到有強國人民拖喼行山……(高登cap圖)
我山雞嘅駐東莞老友陳七,有日Send咗個叫List做「香港10大徒步行山好去处」畀我,問我有咩意見,話佢秘書會帶班同鄉落嚟香港行山喎。(題外話,單係以上呢一句我已有好多疑問:陳七長駐喺東莞其實搞乜?佢嘅秘書係咪真係秘書?)咪理咁多,大家睇下個List先(括號係內文列出嘅理由):

  1. 龍脊(理由:易走易达,风景如画)
  2. 麥徑一段至西灣亭(理由:水库景观,地质奇观)
  3. 獅子山到望夫山(理由:路线清晰,望夫石)
  4. 大浪西灣+鹹田灣(理由:迷人海景)
  5. 南丫島(理由:轻松休闲,美味海鲜)
  6. 山頂至薄扶林水塘(理由:城市风光,交通便利)
  7. 針山及草山(理由:稍有难度,适合挑战)
  8. 梧桐寨瀑布(理由:瀑布景观)
  9. 鳳凰山(理由:日出景观,云雾缭绕)
  10. 大東山(理由:日落景观)

上面嘅10條路線,其實亦係香港本地人熱門路線。即係話若果強國人民開始轉口味,唔行西洋菜街改行麥理浩徑嘅話,大家真係要識得走位,去下八仙嶺、馬鞍山,甚至入大西北上青山。始終佢哋由山頭嗌到山腳,一字排開坐喺樓梯一步都唔讓,以及食完嘢放低啲殘渣留畀大自然……等等嘅豪邁氣概,我山雞一見佢哋,真係自慚形愧,避都避唔切!(嗱,我山雞其實好歡迎強國人民救港架,知佢哋鍾意去星光大道,我專登絕足尖東海傍,唔想阻佢哋玩架!)

話說有年國內江西搞咗個國際露營節,有二萬人參加。情況就係咁……問你怕未。
話說有年國內江西搞咗個國際露營節,有二萬人參加。情況就係咁……問你怕未。

不過我山雞亦善意提醒各位強國人民,偉大嘅祖國地大物博,單係五獄就各有特點(有人話全球最高峰珠穆朗瑪峰屬中國境內!?)。廣東市民唔想咁遠,粵北有丹霞山,深圳有梧桐山,香港啲山仔,其實你哋睇唔上眼架。

更多:
Fitz.hk Facebook專頁
[著牛仔褲行山] 少年,你太輕狂了!
山雞@Fitz.hk
Fitz Hiking 行山


廣告
山雞
十歲登上魔鬼山,二十歲游走大帽大東鳳凰釣魚翁大刀屻。志願有二:生個仔要叫阿山;登上喜馬拉雅山,掛上真普選直幡。