政府於11月15日公佈最新疫情,發現確診個案之中,出現首個「行山」群組。兩名確診病人,懷疑因行山活動而互相感染,而兩人將病毒傳染畀家中妻子。

衞生防護中心資料,5433號病人 (65歲) 11月9日開始發燒、咳嗽和流鼻水,翌日求醫,前日確診。他稱最近曾與朋友遠足,由旺角行到坑口,再行去西貢區井欄樹。同佢一齊行山嘅朋友亦證實確診,是為5457號病人 (72歲)。

估計路線

緊密接觸成傳播主因

現時行山活動可轄免口罩令,市民可「除罩」,「行山群組」無疑令人擔憂。呢個情況之下,大家行山郊遊時更應注意傳播風險:

  • 嚴格遵守四人限聚令,唔好一大班人行山。雖則話戶外活動感染風險較低,不過一大班人活動,容易有緊密接觸。

  • 避開人多路窄路線: 例如龍脊、大東山、大帽山等,呢啲路線經常人滿為患,疫情時可免則免
  • 唔好相約陌生人行山: 你唔知對方個人衛生習慣,且若然感染病毒難以追查
  • 盡量於非假日去郊外: 搭車搭船都少啲人啦
  • 盡量唔好進入村落範圍

要對抗疫症,千祈唔好放鬆!

資料: 蘋果日報


文章為作者意見,不代表Fitz立場。

歡迎投稿: http://fitz.hk/contribute/

朱溫
生於亂世,有種責任。這個責任就是做好自己,感染別人。鍛練好身體,才能裝備自己,迎接亂世。