人類總是犯同樣錯誤，為咗打卡令自己身陷險境，香港以至世界各地都有，呢次係中國溫州嘅攬牛山。攬牛山俗稱為「小張家界」，呢一帶地質獨特，好多山峰都係拔地而起，極受攝影愛好者歡迎。網上流傳有一班登山男女，就以登山繩攀上攬牛山，然後放開雙手擺出各種姿勢，盡情打卡。
一眾網民指責佢哋，用「群魔亂舞」形容，仲話佢哋不負責任，自己犯險之餘亦隨時煩麻救援人員。有人攀爬專家表示，一次過咁多人一齊爬一道峭壁，亦即要打好多口釘，建立好多條路線，無疑係破壞山體。亦有當地人向記者投訴，呢一帶並唔係旅遊開發區，旅遊唔依指示喺郊野亂闖，影響居民生活。
網民聲討之後，當地政府亦已展開調查，並且計劃加設告示板及圍欄，杜絕旅遊嘅犯險行為。
溫州攬牛山
資料: 華商網
