世上最高峰珠穆朗瑪峰,係唔少登山家嘅終極目標。近年,亦因為攀山裝備嘅發展,以及不少國家人民日趨富裕,珠峰成為富人樂園,不時人滿為患。華盛頓大學和加利福尼亞大學合作完成一項調查,希望數據可幫助尼泊爾及中國政府,制訂更完善嘅登山政策。

數據涵蓋1990至2019年,達30年之久;研究人員將數據分為兩個階段: 第一階段「1990至2005年」; 第二階段「2016至2019年」。

  1. 第一階段15年,共2200人新手登山;第二階段有3600人
  2. 登山人數增加,但死亡率仍然維持於1%左右,原因相信與嚮導經驗及裝備水平有關
  3. 女性死亡率約0.5%,男性為1.1%
  4. 女性登山者由第一階段的9.1%,增加至現在的14.6%
  5. 第一階段只有三分之一登山者成功到達頂峰,到第二階段提升至三分之二

死亡區人滿為患

單睇數字,無論係「死亡率三十年來不變」,定係「成功登頂人數激增」,都顯示緊人類似乎戰勝高山。不過,近年有人指出,珠峰遊客增加太快,往往危及上山人士安全。

路透社指於2019年5月,有5人因山上過份擠擁而喪命。據說其中一日,有396名登山者聚集在山頂下方狹窄路線上,呢到處於海拔5000米以上,被稱為「死亡區」。但有關研究未有觸及呢方面問題,未能顯示山上嘅危險。

經路透社追問之下,有關機構亦承認呢個問題,仲話「如果山上有咁多人,一次雪崩一次風暴,已經可以令大批人葬身於此。」

攀山始終係高危活動,有一定危險性。

資料: UW NEWSReuters


文章為作者意見,不代表Fitz立場。

歡迎投稿: http://fitz.hk/contribute/

永誠
講求綠色、環保、天然的健康生活。推廣新一代健康生活文化。