4月1日愚人節,某電視台喺 Facebook 出咗呢條《美女郊遊遊》預告片:

文字介紹話,呢套係「首個只著三點式行山節目」,由兩位被譽為「女神」嘅美少女 Shirley Sham 沈殷怡同 Shirley Chan 陳欣妍擔任主持人。

一如既往,行山坦胸露背 (男人除外) 會受到「道德高地人士」無情攻擊,呢條片引來500幾個留言,除咗有人投訴美少女著「熱褲」唔係著「三點式」,仲有人話:

  • 痴Q線! 越嚟越不知所謂! 與個人保守並無關,只覺得見到想嘔!
  • 唔怕比蚊咬?
  • 等睇曬到甩皮
  • 改個名同以前油麻地戲院播果D有得揮
  • Viu99以前都有做《山步行》幾好,而家做乜走呢D黃色路線? Viu99台越來越黃,播呢D女,係想取悅曱甴!
  • 黐線,仲行山,快D搵嗰窿啦
  • 可以餵飽啲蚊蚊! 畀啲植物鎅傷,仲可以留下行山印記! 永世難忘。

站喺行山安全嘅立場,咁嘅衣著梗係唔合格,因為:

  • 暴露太多皮膚,做唔好防曬,又真係會惹蚊
  • 如果經過樹叢草叢,保護性不足
  • 個人衛生角度睇,吸濕排汗能力差,易引發皮膚問題
  • 保暖不足,遇有意外未能及時落山,入夜時會冷親

不過,上面呢啲問題其實好容易解決,例如勤啲搽防曬防蚊,用毛巾抹汗,甚至帶件風褸帶個睡袋跟身,已經略略可以解決問題。所以,我山雞好奇怪,點解會有人咁介意人哋行山著乜?

會唔會有人當咗獅子山、大帽山係聖山,著得唔莊重會褻瀆神靈? 其實咁在乎別人嘅衣著,倒不如更著力推廣正確行山態度,包括「自己垃圾自己帶走」、「行山前要做好計劃」、「疫情期間唔好組團行山」等等。不過諗深層兩者無衝突,有好多人其實係可以宣揚行山安全嘅道德偉……

愚人節獻禮

4月2日,電視台出第二條片,原來佢哋係開愚人節玩笑,為新節目宣傳:

即係話,電視台又贏一仗了。


文章為作者意見,不代表Fitz立場。

歡迎投稿: https://fitz.hk/contribute/

廣告
山雞
十歲登上魔鬼山,二十歲游走大帽大東鳳凰釣魚翁大刀屻。志願有二:生個仔要叫阿山;登上喜馬拉雅山,掛上真普選直幡。