71歲伯伯 Braithwaite How 早前去到英國湖區 (Lake District) 行山兼放狗,點知突然路上癲癇發作暈倒。同佢一齊行山嘅兩隻狗,一隻拉布拉多,一隻金毛尋回犬,即時狂吠求救。不過伯伯仍然不醒人事,兩隻狗狗就分工合作拯救主人。

金毛尋回犬就守候伯伯身邊,希望等到佢自己甦醒。至於拉布拉多就沿路找尋其他行山人士。結果喺山徑遇到一名婦人,婦人聽到狗吠聲有異樣,就跟住拉布拉多行返去事發地點,報警將伯伯送去醫院。

負責拯救嘅救護員話,佢做咗救護工作十幾年,都未遇過呢類咁神奇嘅事,呢兩隻狗無受過訓練,都可以做得咁出色,相當令人讚賞。至於伯伯入院檢查後無大礙,可以繼續行山。

資料: BBC

首頁 > 運動 Sports > 行山 Hiking > 英國伯伯行山暈倒昏迷,忠心狗狗分工合作救人