消防處最新公佈攀山拯救事故數字,由2021年1月至4月,共錄得426宗攀山拯救事故,243人受傷。短短四個月內,數字已佔2020年總數70%,比去年同期倍增1.7倍。

消防處特別提到,今年5月有一宗發生於馬鞍山彌天棧道嘅罕見意外,一名中年婦人於上址攀爬期間下墮15米受傷。

奮不顧身 攀山拯救

【⛰️心繫巿民】面對山泥傾瀉突襲、大石衝擊可能會粉身碎骨,但救援人員 👨🏻‍🚒👨🏻‍🚒👨🏻‍🚒 依然奮不顧身,以身擋石 🪨 ,就算自己受咗傷都能夠處變不驚,將傷者帶離險境 💪🏻 去片睇睇一眾消防員驚心動魄嘅拯救過程 ▶️

#馬鞍山 #牛押山 #彌天棧道 #懸崖 #山泥傾瀉 #消防處 #高空拯救隊 #政府飛行服務隊 #民安隊

Posted by 政府新聞網 on Friday, May 28, 2021

呢宗意外,亦反映近年唔少行山人士犯下嘅錯誤:

  1. 與婦人同行一共有5人,佢哋原本互不相識,係透過社交平台群組結伴行山。有理由相信,佢哋之間體能、技術都有頗大差距,默契亦欠奉
  2. 彌天棧道屬超級危險路線,對技術、體能、裝備要求甚大。一團「烏合之眾」去挑戰呢條高難度路線,可以話係不自量力

消防處話,當日救援時消防員要面對懸崖上嘅落石,部份落石更有成部冷氣機咁大,亦有消防員因為咁而受傷骨折。消防處強調,市民唔重視行山安全,除咗令自己身陷險境,亦會令消防員面對不必要危險。佢哋提醒市民,行山前要做足準備,唔好只係接收簡單資訊,「睇咗 YouTube 短片當清楚路線」,亦唔好倚賴山徑嘅絲帶。

資料: 明報東網


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 行山 Hiking > 行山意外激增1.7倍 「烏合之眾」行彌天棧道累消防員受傷