----- 廣告 Ad -----
![](https://i0.wp.com/fitz.hk/wp-content/uploads/2021/02/郊野公園露營或生火-3.jpg?resize=700%2C700&ssl=1)
漁護署於郊野公園的檢控
香港郊野公園係依據《郊野公園及特別地區規例》(香港法例208A章),授予相關部門管理。雖然話唔少規例都係合情合理,但如果稍一不慎,真係犯咗法都唔知。
《郊野公園及特別地區規例》公眾相關事項
禁止將車輛帶進郊野公園 (包括單車)
除公眾可使用道路,任何人都唔可以將車輛及單車,帶進郊野公園範圍。即係話,無馬路嘅地方係唔可以揸車或踩單車進入郊野公園。
----- 廣告 Ad -----
記住,法例講明係「帶進」,單車友就算唔踩車,將愛車帶入郊野公園,都係一樣犯法。
罰則: 第1級罰款 (港幣 $2000) 及監禁3個月
相關條例: 4. 禁止將車輛帶進郊野公園及特別地區
不得在非指定地點露營
![](https://i0.wp.com/fitz.hk/wp-content/uploads/2021/02/郊野公園露營或生火-2.jpg?resize=700%2C700&ssl=1)
圖: 漁農自然護理署
除非係指定露營地點,任何人不得在郊野公園或特別地區內露營或建立帳幕或臨時遮蔽處。
罰則: 第1級罰款 (港幣 $2000) 及監禁3個月
相關條例: 11. 對集會及若干活動的管制
----- 廣告 Ad -----
不得操縱模型飛機
玩模型飛機嘅朋友留意,法例講明: 禁止「任何動力驅動的模型船、動力驅動的模型飛機或動力驅動的模型車輛」,惟不包括航拍機。如有疑問,可直接向漁護署查詢。
罰則: 第1級罰款 (港幣$2000) 及監禁3個月
相關條例: 11. 對集會及若干活動的管制
禁止建造任何建築物
![](https://i0.wp.com/fitz.hk/wp-content/uploads/2021/02/青大石澗-2.jpg?resize=760%2C570&ssl=1)
圖: 山友Ryan
任何人不得「建造或建立任何建築物、棚屋或遮蔽處,或挖掘任何洞穴」,包括放置屍體的墓穴。晨運阿伯用石屎起魚池起看台,當然犯晒法。
罰則: 第1級罰款 (港幣 $2000) 及監禁3個月
相關條例: 10. 禁止展示標誌和建立建築物
妨擾行為的防止
![](https://i0.wp.com/fitz.hk/wp-content/uploads/2016/05/其實邊個係肥佬麥.jpg?resize=760%2C480&ssl=1)
「肥佬麥」大石
- 污損、損壞、弄污或弄髒任何告示、標記等裝置
- 阻塞或污染任何溪流、水道、水池或水潭
- 棄置任何廢物、紙張或廢料
- 作出令人厭惡或不雅的行徑或衣履不整
- 處於受藥物影響的狀態 (即係high咗嘢)
- 奏玩任何樂器製造聲響,或唱歌或叫喊,致使任何其他人感到煩擾
- 行乞或收取施捨
- 違反《水污染管制條例》
罰則: 第1級罰款 (港幣 $2000) 及監禁3個
相關條例: 12. 妨擾行為的防止
不得在非指定燒烤地點生火
![](https://i0.wp.com/fitz.hk/wp-content/uploads/2021/02/郊野公園露營或生火-1.jpg?resize=700%2C700&ssl=1)
圖: 漁農自然護理署
好多人都問: 郊野公園可唔可以食煙? 法例無規管呢個行為,但有關「對火的管制」一項,清楚表明:
----- 廣告 Ad -----
- 「任何人不得在郊野公園……攜帶或管有任何燈籠、煮食爐或其他同類的用火器具」
- 在非指定燒烤地點「生火或用火」
- 以相當可能引致失火的方式拋棄任何火柴、燃點的香煙、煙斗灰燼或其他物質。
即係話,如果係唔燒烤場點著支煙,就已經犯咗法。
罰則: 可處第2級 (港幣 $5000) 罰款及監禁1年。
相關條例: 7. 對火等的管制
不得進行競賽性的隊際遊戲
得到部門批准嘅除外,即係話自己約 friend 上山玩捉依因理論上都係唔得。
罰則: 第1級罰款 (港幣 $2000 及監禁3個月)
相關條例: 11.對集會及若干活動的管制
禁止將牛隻、綿羊、山羊等帶進郊野公園
![](https://i0.wp.com/fitz.hk/wp-content/uploads/2017/09/大帽山奇遇記-撒嬌的牛牛最攞命f.jpg?resize=760%2C470&ssl=1)
流浪牛不在此限
法例話: 「任何牛隻、馬科動物、綿羊、山羊、豬隻、狗隻、貓隻或家禽帶進郊野公園或特別地區。」,但不適用於 「對該狗隻保持控制的人」。
即係話拖隻寵物狗行山係無問題,但係抱住屋企隻猫就唔得。另外,居住喺郊野公園嘅居民,係可以豁免呢個限定。
罰則: 第1級罰款 (港幣 $2000 及監禁3個月)
相關條例: 5. 禁止將牛隻、綿羊、山羊等帶進郊野公園或特別地區
禁止攜帶獵捕或陷阱類器具或槍械
其實都唔使多講,合情合理。
罰則: 第1級罰款 (港幣 $2000 及監禁3個月)
相關條例: 6. 禁止攜帶獵捕或陷阱類器具或槍械
----- 廣告 Ad -----
資料: 《郊野公園及特別地區規例》