「達爾文獎」Darwin Awards 相信係諾貝爾獎之外，另一個受人注目嘅科學「大獎」。「達爾文獎」係紀念因為愚蠢方式而喪命，違反達爾文進化論嘅人。今年出爐嘅「達爾文獎」得主，包括呢位日本網台主播 Tedzu。
2019年10月28日早上，網上平台 niconico 以「富士山GO」為題進行直播，拍攝主播 Tedzu 著住行街嘅休閒服，行上富士山實況。喺接近滿佈白雪嘅山頂位置時，Tedzu 不斷叫住「好滑」、「手好凍」等，然後鏡頭由山上跌落，觀眾打電話報警。
到10月30日下午，救援人員喺七合目，大概喺大陽館以南約800米 (大約海拔3000米) 發現一具屍體，經認屍後證明為主播 Tedzu。
Tedzu 就係爬過左邊呢個欄杆，然後跌落懸崖
悲劇英雄 Vs 愚蠢玩家
雖然達爾文獎官方以 Pinnacle Of Stupidity (愚蠢的山峰) 去形容主播 Tedzu 嘅行為，不過根據日本媒體事後嘅查證，Tedzu 並非愚不可及。
----- 廣告 Ad -----
- Tedzu 喪生時47歲，大學主修法律，不過一直不能通過專業考試，做唔到律師。於是，Tedzu 漸漸失去生活動力，走去網台做主播。佢嘅節目以日常生活為主，都係拍攝佢周圍踩單車或跑步情況，節目做咗幾年，觀眾唔多。
- Tedzu 生前在東京獨居，住喺一間偏僻嘅小單位。鄰居話佢甚少朋友，唔太覺佢有返工，覺得佢係隱閉中年。
- 日本有媒體問 Tedzu嘅 拍檔，話發生意外當日，有網民留言話想睇下富士山嘅雪，唔知係咪因為咁令 Tedzu 上富士山。不過 Tedzu 近年好鍾意行富士山，有時甚至拎啲飲品上山派畀遊客。
- 媒體亦發現 Tedzu 死前已患上末期癌症，生存率只有1%。佢喺直播節目中亦有提及，並且有搵過東京好多間醫院求診。
日本媒體搵到佢嘅診症記錄
至於 Tedzu 點解喺毫無準備之下登上富士山，仲爬入封閉嘅懸崖，最後令自己跌死呢? 箇中原因應該只有佢本人先知了。
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。