[郊野公園有個Mon🤔]
最近有山友留意到郊野公園嘅螢幕顯示屏,呢種顯示屏裝咗喺郊遊熱點,例如荔枝窩、北潭涌同城門,提供當區實時天氣消息⛅🌡🌧,山友行過見到天氣狀況,就可以考慮合適行程或者更改路線🏞,保障個人安全。電子顯示屏亦會播放宣傳短片,提示山友遵守山系禮儀同防疫措施。我哋亦會遵守叢林的法則,黃昏嘅時候電子顯示屏會自動關閉,以免影響野生動物。大家行山前記住留意天氣同相關資訊啦!

Posted by 郊野公園教育活動計劃 Country Parks Education Programmes on Monday, April 5, 2021

《財政預算案》話要花5億幾「優化」郊野公園,納稅人嘅錢點使到而家都未知,不過有啲郊野公園嘅新設施就令人覺得倒錢落海。

漁護署最近於荔枝窩、北潭涌同城門三處,設置上圖呢啲「螢幕顯示屏」,提供當區實時天氣資訊,以及播放政府宣傳短片,提示山友遵守山系禮儀同防疫措施等。

市民反應: 倒錢落海

喺發佈消息嘅 郊野公園教育活動計劃 Country Parks Education Programmes Facebook專頁 ,留言可謂一面倒,搵個讚嘅留言都無。大家嘅反應,都覺得屏幕「多嚿魚」、破壞景觀等:

  • 行到上山先睇天氣 仲要去到驚你唔知介紹埋附近景點……
  • 其實d電子屏幕同郊野公園真係格格不入,如果有資源,不如做多d廁所優化工程啦,衆多廁所衛生同設備真係不堪入目
  • 現時幾乎人人都有智能手機,大家都可以用自己手機查看最新天氣情況,這個裝置是否多此一舉?
  • 不如安排多d人手去那些非法餵飼野生動物熱點,例如金山路,加強執法
  • 高分低能坐冷氣房好心做壞事系列,請公開建造費,維修保養費,電費,軟件圖像及更新設計費,是否外判中資公司? 是否已徵詢民意,環保組織及行山團體意見?
  • 請問幾時有$及行動阻止爬山電單車四圍剷山?

唔少人亦提出顯示屏會造成光污染,署方亦解釋過,電子顯示屏會喺每日太陽落山之後自動關閉,唔會對人類及動物有影響。

官員嘅管治思維有缺失

長期關注本地社會事務嘅 本土研究社 Liber Research Community,就用官員嘅管治態度去剖解呢個屏幕,佢哋話:

「顯示諗得出將呢件室內設施擺係室外嘅官員,明顯唔係從享受同欣賞郊野嘅行山客角度諗嘢,而係諗緊引入大量遊客去鄉郊深處,將市區 mass tourism 概念套入郊野,顛覆郊野公園設立原意,整個規劃極可能為郊野帶來浩劫。」

【郊野巨mon 閃亮登場】

復活節長假,本研研究員外出郊野公園考察,驚見喺荔枝窩村屹立一座新設巨型LED mon,近睇嘅話,唔講以為自己去咗麥當勞點餐,就算遠睇,黃昏天色陰暗時亦會閃到頭暈暈。

個LED…

Posted by 本土研究社 Liber Research Community on Monday, April 5, 2021

希望有關方面可以懸崖勒馬,下次興建呢啲設施之前,諮詢下市民先。


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 行山 Hiking > 郊野公園新設螢幕顯示屏,市民一面倒unlike