選購行山鞋,應唔應該具備防水功能? 呢個係一個富爭議嘅話題,有人認為雙腳乾爽好重要,防水行山鞋可阻擋雨水,適用於雨季行山;不過亦有人覺得,大雨之下行山,著咩裝備都會全身濕透,防水嘅行山鞋其實好多餘。以下不如羅列當中優點缺點,等大家選購行山鞋可有所依據:

1. 防水行山鞋優點

  1. 能穿越水灘、溪流,不易弄濕腳
  2. 日常出行可當水鞋使用

2. 防水行山鞋缺點

  1. 鞋身較重
  2. 價錢較貴
  3. 透氣度不佳,夏天穿著會焗
  4. 防水物料會因年月老化。部份品牌質料不佳,一年半載已失去防水效能

Gore-Tex防水行山點解用 Gore-Tex? 

膠袋防水、保鮮紙亦可防水,但點解防水行山鞋以 Gore-Tex 最普遍? 因為 Gore-Tex 係用途最廣泛嘅民用防水物料,佢有比水份子更啟細嘅疏氣孔,既可阻擋外來水份,亦具備透氣功能,令腳部無咁焗。

Gore-Tex 是美國人 Gore 父子的公司 W.L. Gore & Associates 發明,可說係現時最普及嘅防水物料。基於上面幾項要求,Gore-Tex 亦有分不同等級,包括: Gore-Tex、Gore-Tex Pro、Gore-Tex Paclite® Plus、Gore-Tex® Active 等。

除咗 Gore-Tex,其他品牌亦有類似嘅防水物料。

雨水由腳瓜入鞋籠

其實防水行山鞋,只靠鞋面防水物料去抵擋外來水份,一般可應付小雨或小水窪,但行山鞋並不是絕對防雨裝備,若然傾盆大雨,雨水也可經小腿流進入鞋籠,到時防水鞋頓時變為儲水池。

片段嘅師兄雖然著住對 Gore-Tex 行山鞋,不過大雨之下都要倒水收場。原因並唔係對鞋嘅鞋面滲水,而係雨水經由佢嘅腳瓜,直接流入鞋籠。

自製防水鞋套,都可以阻擋由腳瓜滿入嘅雨水

喺大雨之下要做到「絕對防水」,除咗靠對鞋,仲要配合雨褸、雨褲,以至鞋套。不過如果成身都係防水裝備,身體郁動產生嘅體溫就唔可以排走,俗稱「會焗到死」。

所以落大雨嘅話,始終都係唔係上山,天氣咁壞易生意外呀。

防水行山鞋


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 行山 Hiking > 防水行山裝備: Gore-Tex行山鞋係必需品?