[香港奇景] 西貢 破邊洲

圖: 維基百科

沿麥徑第一段嘅萬宜路一直行，行到去萬宜水庫東壩，望出大海，就會望到破邊洲。佢原本係糧船灣花山嘅海角，因為長年受到海浪侵蝕，結果同花山分離，成為一個海島。

破邊洲嘅位置，係香港地質公園範圍，呢一帶嘅地質，係形成於大概1億年前嘅侏羅紀時期，當時有多次火山爆發，熔岩同火山灰嘅積聚，造成咗六角石柱嘅地質。

而破邊洲嘅懸崖及海島，仍然清楚睇到呢種咁獨特嘅石柱。

欣賞破邊洲

1. 企定定喺萬宜東壩離遠睇，感受大自然嘅鬼斧神功
2. 綑邊攀爬花山，甚至登上破邊洲！好處係可以近睇，仲可以睇埋沿岸嘅海蝕洞。問題係呢條路線相當危險，要有經驗人士帶領，仲要視乎海浪情況，太大浪唔好行。
3. 由萬宜東壩入口之紀念碑，沿山徑過花山頂，到達花山之峭壁，再近睇破邊洲，仍可感受箇中震撼(步行約1小時)。

>> [真．破邊洲] 行程全攻略

紀念碑及破邊洲位置

值得留意嘅係，去破邊洲無論出入都要喺萬宜東壩。由北潭涌步行2.5小時。星期六日北潭涌有專線小巴。